Politiet melder om at det var mange rusa personar i sentrum av Sogndal i natt og det var mykje knust glas i tilknyting til utestaden.
I Florø fekk politiet fleire meldingar om ein rusa mann i 20-åra som ikkje var i stand til å ta vare på seg sjølv. Politiet oppsøkte staden og tok med mannen til lege på grunn av mindre skader. Etter behandling blei mannen sendt heim i ambulanse.
Urinerte offentleg
Ein mann i 20-åra blei politimeld for å ha urinert på offentleg stad i Florø. I same by måtte politiet rykkje ut etter melding om høg musikk. Då politiet kom til staden, blei musikken dempa. Politiet har i natt også fått melding om ei knust rute på ein bygning.
Og det var meir å ta seg av i Florø. Politiet stoppa ein rusa mann i 20-åra som nekta å gi opp personalia. Han blei sett i arresten til politiet fann ut kven han var. Dette forholdet blir meldt.
Måtte køyrast heim
I Gloppen kom det melding om at to store hundar gjekk lause inne på Gloppen camping. Politiet veit ikkje kven som eig hundane.
Ei rusa kvinne i 20-år var ute av stand til å ta vare på seg sjølv utanfor ein utestad i Måløy. Politiet reiste til staden og køyrde kvinna heim.