Norske born fekk møte Sivert gjennom andre sesongen av barne TV-serien Klart eg kan.
No skal episoden med sjuåringen visast på kino i heile Taiwan.
– Vi har snakka litt om det, og det er litt stas. Kanskje det er mest stas og spennande for foreldra, humrar pappa Odd Lennart Vikene.
Sivert på mandarin
Episoden vart i slutten av mars vist under Taiwan International Children Film Festival, der den var . Pris vart det likevel ikkje, då juryen ikkje vart samde om ein vinnar som oppfylte alle krav i dokumentarsjangeren.
(Artikkelen held fram under videoen)
SJÅ: Slik vil episoden om Sivert Vikene høyrast ut når den blir vist på taiwanske kinoar i sommar. (Foto: Eva Westvik/NRK)
Når episoden no skal visast på taiwanske lerret, skjer det mellom 1. juli og 31. august. Og sjølvsagt på mandarin, som er Taiwan sitt offisielle språk.
– Han tykkjer det i utgangspunktet er rart å høyre si eiga røyst, og endå rarare blir det vel å høyre seg sjølv på eit anna språk, seier Vikene.
– Stas
STAS: Prosjektleiar Kjellrun Lavik tykkjer det er stas at barne TV frå Sogn og Fjordane skal visast for eit større publikum i Taiwan.
Foto: Geir Bjarte Hjetland / NRKVinningane i Taiwan blir gratis. Prosjektleiar Kjellrun Lavik tykkjer det er stas at fleire skal få innblikk i korleis born i Norge nyttar naturen.
Ho var sjølv i Taiwan under filmfestivalen og fortel at kulturskilnadane kom klart fram, då borna der vanlegvis .
– Litt av målsettinga med «Klart eg kan» er å inspirere barn til å prøve å nå mål og draumar dei ber på. Difor synest me det er veldig kjekt at flest mogeleg får moglegheita til å sjå programma og få tru på at dei kan klare mykje dersom dei berre vågar å prøve, seier Lavik.
PÅ NORSK: Slik er den opphavlege episoden om Sivert og far hans si overnatting i gapahuken.
