Dansk avis samanlikar Lustrafjorden med Sør-Europa

I ein lang reiseartikkel på politiken.dk omtalar den kjende danske miljøjournalisten Michael Rothenborg dei indre delane Luster på ein måte som gjev reiselivsnæringa vatn i munnen:

«Ja, det ligner og føles faktisk som en nordspansk bjergsø. Eller en sydfransk kløftflod. Eller i hvert fald et alpescenarie. Men vi er i Høyheimsvik, midt i det Norge, som så mange danskere kender som koldt, vådt og i bedste fald ret omskifteligt. Sommervejret kan skam også være omskifteligt her i de inderste dele af Sognefjorden, men sandsynligheden for tørvejr, sol og varme er højere end rigtig mange andre steder i Norge – og syd for. »

Fjorden imponerer

Han omtalar mellom anna dei lokale jordbæra i Luster som himmelske og kirsebæra i Lærdal som dobbelt så store som dei danske. Han fortel og om ulike aktivitetar som ungane kunne nytte seg av under ferien i Luster. Særleg imponert vert skribenten over det å ha kontakten mellom fjorden og fjella.

«Det er meget få steder, vi ikke kører med vandet som nabo, og selv de små Nintendo-junkier på bagsædet ser indimellem op og giver os ret, når vi siger »Nejjjj« og »Se dér«. Den toårige lærer det nye ord »vandfald« og konstaterer begejstret, at det kan bruges rigtig mange steder.»

– Udelt positivt

Kvart år kjem det mange journalistar til Norge, og dei aller fleste leverer nærast panegyrisk rosande reportasjar til redaksjonane sine. Næringssjef i Luster, Olav Grov, meiner at er svært viktig for reiselivet å få slik omtale i utanlandske medier.

– Dette er udelt positivt, det er jo veldig viktig mediebedrift i Danmark som har høg kredibilitet. Eg trur at redaksjonell omtale gjev ein god marknadseffekt. Mange journalistar er innom Luster og Sogn i løpet av eit år, og særleg omtale i store medier betyr mykje, seier Grov.

• LES OGSÅ: Slik viser dei fram fylket i Oslo
• LES OGSÅ: – Turister bør kunne bruke mer om sommeren

Dyre, men gode jordbær

Sjølv om danske Michael Rothenborg i danske Politiken, som så mange andre omtalar også høge norske prisar, ser ikkje det ut til å ha lagt nokon dempar på stemninga.

«På vej tilbage langs fjorden passerer vi hindbærbuske og jordbærmarker. De blomstrer senere end i Danmark, men netop den langsomme vækst og de lange solrige dage er med til at give en himmelsk smag, kan vi konstatere i det lokale supermarked i Gaupne. Så trods de eksorbitante norske priser, må vi bare købe dem til de vafler, vi kan lave i vores hytte på Viki Fjordcamping.»

– Mange er spente

Næringssjefen i Luster vonar at slike artiklar skal vere med og gje reiselivet i Sogn og Fjordane og landet ellers eit løft i ei usikker tid for bransjen.

– Eg tenkjer at dei fleste er spente på denne sesongen. Vi veit at mange land i Europa er i økonomisk trøbbel, og vi har mange reisande som kjem derifrå, seier Grov.

• LES OGSÅ: Utenlandsk medieomtale er verd 227 millioner kroner
• LES OGSÅ: No har dei hatt oppvaskmøte om den betente konflikten i kommunen

– Sterke attraksjonar

Men han legg vekt på at dei fleste bedriftene i hans region er forsiktige optimistar og det på langt nær kan skrivast heim om noko krise i reiselivsnæringa.

– Det er utruleg viktig at Luster har veldig sterke naturattraksjonar, og veldig mange aktivitetsbedrifter. Fleire vil meir enn å berre sjå. Alt no har dei første gruppene vore på Nigardsbreen, fortel Grov.

Han peikar også på verdien av at Breheimsenteret no står klar til bruk etter den dramatiske brannen for to år sidan.