– Eg trur vi skal klare tre poeng mot Lillestrøm, seier Gustav Valsvik før kampen.
Lillestrøm ligg på ein sjuande plass på tabellen så langt i serien. Åtte plassar føre Sogndal. Likevel har Valsvik trua på ein siger på Åråsen.
– Vi er i ei flytsone no, og klarer vi å spele like bra her som mot Brann så vinn vi.
Valsvik er teke ut i 40-mannstroppen til U21 EM noko som gjer godt for sjølvtilliten til Sogndalspelaren.
– Det gjev meg ein ekstra gneist til å prestere godt for Sogndal også, seier han.
Valsvik ser også fram til å spele mot tidlegare Sogndalkeeper Kenneth Udjus.
– Han var ei svært god målvakt for oss, og har stått godt i mål for Lillestrøm, men eg vonar sjølvsagt han slepp inn nokre mål, seier Valsvik.