Det kjem fram i ei omfattande undersøking om helse, miljø og trivsel hos 952 ungdomar i fylket.
Prosjektleiar John Roger Andersen er overraska over dei store skilnadene.
- SJÅ RESULTATA FOR KVAR SKULE NEDST I SAKA.
– Vi ser at når vi finsiktar ungdomane i høve til trivsel, så er det ganske store individuelle skilnader mellom skulane, seier han.
Jobbar med trivsel
Undersøkinga viser at 19 prosent av elevane i Stryn, og 29 prosent av elevane i Måløy, trivst veldig godt ved den vidaregåande skulen sin.
I Luster og Flora derimot, svarar over halvparten av elevane at dei trivst veldig godt.
- LES OGSÅ:
- LES OGSÅ:
– Det er veldig kjekt å høyre. Vi jobbar veldig mykje med trivsel, seier rektor Knut Clausen ved Flora vidaregåande skule.
Kvar tiande trivst ikkje
Ser ein undersøkinga under eitt, svarar 39 prosent at dei trivst veldig godt og åtte prosent at dei ikkje trivast særleg godt.
- LES OGSÅ:
- LES OGSÅ:
(Artikkelen held fram under tabellen)
– Dette spørsmålet heng saman med korleis dei fagleg gjer det på skulen. Truleg også korleis dei har det sosialt på skulen, seier prosjektleiar Andersen.
I tillegg til dei 19 prosent som likar seg veldig godt, svarar kring 70 prosent av elevane ved Stryn vidaregåande skule at likar seg ganske godt. Resten seier at dei ikkje likar seg på skulen.
– Har det veldig godt
– Det viktigaste for meg er at ein har veldig låg skår på dei som ikkje trivast på skulen, seier rektor Kirsti Horne ved Stryn vidaregåande skule.
– Kva trur du er årsaka til at Stryn scorar dårlegast på dei som trivst veldig godt?
– Eg trur ikkje årsaka er at dei har det trist og leitt på skulen i alle fall. Til meg gir dei inntrykk av at dei har det veldig godt og fint på skulen.