– Eg heldt i rattet heile tida

– Sjåføren av traileren mista styringa og hamna i grøfta, fortel Geir Ove Holen i Geir Ove Holen transport i Vik i Sogn.

Det var ein av hans sjåførar som var ute for uhellet.

• LES OGSÅ: Slik rydda han E39 for isnedfall med berre nevane

Gjekk seint

Føraren sjølv var ikkje redd i det heile da han prøvde å få kontroll på traileren.

– Det var rett og slett veldig glatt og mykje slaps i vegen, fortel han til NRK.no.

– Eg prøvde å halde hovudet kaldt. Det i grunn ikkje så mykje anna å gjere. Det heile gjekk veldig seint. På grunn av den glatte vegbane køyrde eg seint, men då bilen gjekk utfor kanten var det ikkje anna å gjere enn å prøve å halde bilen oppe, fortel føraren.

• LES OGSÅ: Veg må stengje etter hengarvelt
• LES OGSÅ: Rygga fem kilometer og tre hårnåls-svingar for å berge polsk vogntog

Kvit på knokane

Føraren tenkte ikkje på seg sjølv og var meir redd bilen.

– Eg heldt i rattet heile tida. Heilt til traileren stoppa og la seg ned i grøfta. Eg var heilt kvit på knokane. Det kunne jo ha gått gale, men det gjorde det ikkje denne gongen heldigvis, fortel han.

Traileren er heilt ute av vegbana og skal ikkje vere i vegen for trafikken.

Bilberging frå Viking er no på staden.

Mykje slaps

– Det har vore ein del snø og slaps på strekninga, men det ser ut til å betre seg no, seier vakthavande Jan Erikstad ved Vegtrafikksentralen.

Det skal og vere salta ein del på strekninga no.