Samstundes har etaten hatt sterk vekst i bruk av konsulentar. Administrasjonssjef i Statens vegvesen region vest, Einride Horstad, seier årsaka er vekst i aktiviteten.
– Vi har om lag 50 prosent auke i omsetnaden vår i dag samanlikna med 2005. Berre siste året har vi ein auke på nesten 30 prosent. Det er i form av investeringar og drift av vegnettet, seier han.
Det er store prosjekt som Hardangerbrua i Hordaland og Fjalersambandet i Sogn og Fjordane i tillegg til oppgraderinga av Europaveg 39 gjennom Vestlandet som krev stadig fleire tilsette.
- LES OGSÅ:
Store auke i konsulentbruk
Horstad seier dei også aukar ressursbruken på trafikktryggleik. I 2003 arbeidde det i overkant av 900 personar i vegvesenet. No er talet kloss opp i 1200. Samstundes brukte vegvesenet på landsbasis 2,4 milliardar kroner på konsulentar i fjor.
– Det er rett at vi også har ei stor auke i konsulentbruken. Årsaka er omsetnadsveksten som vi ikkje klarer å handtere internt hos oss.
Meiner politikarane må ta ansvaret
Samferdslepolitikar Ole Gunnar Krakhellen meiner politikarane sjølve må ta ansvaret for stadig meir byråkrati. Han seier stadig fleire politiske krav til planprosessar fører til både mange tilsette og konsulentar.
– I utgangspunktet høyrest 30 prosent ganske mykje ut. Samstundes ser det ut til å vere ei byråkratisering i heile landet. Det er også eit politisk ansvar å passe på at vi dei best fornuftige planprosessane, seier Krakhellen.
- LES OGSÅ: