I reportasjen frå Jølster er politikarar frå Arbeidarpartiet på besøk på pelsdyrgarden til Finn Årdal. Ap og fleire andre parti vil forby pelsdyroppdrett, og næringa forsøker no å overtyde politikarane om at det er feil.
ORSAKAR: Distriktsredaktør Rolf Sanne-Gundersen i NRK Sogn og Fjordane.
Foto: Rune Fossum / NRKEtter besøket på Jølster seier fylkesleiar Nils Støyva i Ap at dei er usamde med sitt eige moderparti om framtida til pelsdyrnæringa. Men fylkesleiaren i Auf, Maria Hovland Faye, var kritisk før besøket og kritisk etter besøket. Dei vil leggje ned næringa.
I reportasjen blir det vist bilde av skadde dyr tekne av organisasjonen ”Nettverk for dyrs frihet”.
Det kjem ikkje fram i saka at bilda er tekne på andre gardar, og ikkje på pelsdyrgarden til Finn Årdal. Bilda har ingenting med garden til Finn Årdal å gjere.
NRK Sogn og Fjordane beklagar for bildebruken.