Storsatsing i Parken i Gaupne

Odd Atle Stegegjerdet er leiar i arbeidsgruppa som sidan 2008 har jobba med planane. Han seier til Sogn Avis at det gamle forsamlingshuset Soltun har store manglar, og kapasiteten i idrettshallen er snart sprengd.

Samstundes er scena i Parken utdatert, og det trengst ei utbygging, seier Stegegjerdet.

– Tida er inne for ei oppgradering av eksisterande anlegg. Med desse planane er Gaupne og Luster klar for ei ny storstove.

Det er meininga å byggje i to steg, det første byggjesteget er på 1390 kvadratmeter og er kostnadsrekna til 11-12 millionar kroner, det andre steget er på 2430 kvadratmeter og kostar 17-18 millionar.

I det andre steget er det og med ei ny utescene, som blir ein integrert del av det nye fleirbruksbygget.