Brannvesenet rykte i 10-tida laurdag føremiddag ut til ein bråtebrann i Vågsøy som hadde spreidd seg slik at bonden ikkje hadde kontroll.
Det var ei stund fare for at hus i nærleiken kunne bli råka, men etter kvart fekk brannvesenet kontroll.
- LES OGSÅ:
Operasjonsleiar Einar Vereide ved Sogn og Fjordane politidistrikt seier politiet etter ei samla vurdering vil politimelde bonden.
– Det var fare for spreiing til hus, han var åleine, det var vind i området. Dette er faremoment ein må vurdere før ein tenner på, seier Vereide til NRK.no.
Brannvesenet rykte laurdag ut til heile fire bråtebrannar på berre nokre få timar. Også i Rugsund vil den ansvarlege bli politimeld opplyser politiet.
- LES OGSÅ:
Både politiet og Alarmsentralen ber folk vere forsiktige om dei skal drive med bråtebrenning no. Det er svært tørt i terrenget der det ikkje er snø, og det er fort at brannen kan spreie seg.
– Dei som skal halde på med dette må sørgje for at dei har nok folk til å kunne halde nede ei eventuell spreiing. Ein må også vurdere vind og vêrforhold, er den klare oppmodinga frå operasjonsleiaren.