Rundt klokka 02 natt til søndag kom ei politipatrulje i Sogndal over eit slagsmål utanfor ein serveringsstad i sentrum.
Ein rusa tenåring hadde langa ut eit slag og treft ei dørvakt i ansiktet.
Politiet tok med seg den rusa tenåringen og sette vedkommande i drukkenskapsarresten.
Dørvakta vil melde hendinga, og den unge mannen kan vente seg eit oppgjer med lovas lange arm etter den fuktige byturen.
100 km/t i 80-sone
I løpet av natt til søndag har det også vore fleire politikontrollar.
I tidsrommet mellom 00.40 og 02–30 hadde ei politipatrulje fartskontroll på E39 ved Noreviktunnelen i Høyanger. Ein førar fekk forenkla førelegg for å ha køyrt i 100 km/t i 80-sona.
I Førde fekk ein førar mangellapp for feil lysbruk, medan eit køyrety var avskilta grunna manglande omregistrering etter ein kontroll ved Hafstad på E39.