Det har ei stund vore kjent at Sogn og Fjordane kan miste Alarmsentralen i Florø, og at denne i framtida kan bli lagt under Bergen.
Samtidig jobbar ei arbeidsgruppe med ein gjennomgang av politiet si organisering og ressursbruk.
Då prosjektleiaren for naudnettet heldt ei orientering i Førde sist veke, kom det fram at eit av argumenta for å flytte Alarmsentralen er at liknande prosessar også kan vere aktuelle i politiet.
Dette får Brosvik til å reagere. Ho fryktar Sogn og Fjordane kan miste sitt eige politidistrikt, og lurer på om det går føre seg prosessar som ikkje er offentlege.
- LES OGSÅ:
Overraska over svar frå prosjektleiar
Under KS- konferansen i Førde sist veke gjekk leiar for naudnettprosjektet, Jan Helge Kaiser i Direktoratet for samfunnstryggleik og beredskap, gjennom argumenta for kvifor dei vil flytte alarmsentralen frå Florø til Bergen.
Trude Brosvik (KrF) stilte då spørsmål om kvifor det er naudsynt å flytte til Bergen når det aller meste likevel går føre seg over nettet.
– Eg utfordra han på eit enkelt og direkte spørsmål, i forhold til at om kontora skulle samlast, om det ikkje like gjerne kunne vere i Florø, som i Bergen, fortel Brosvik.
Svaret ho fekk frå Kaiser overraska ho.
– Svaret hans var at det for det første var meir kompetanse i Bergen. For det andre, og det var det som overraska meg, så sa han at dette var i samsvar med andre omorganiseringsprosessar som gjekk føre seg.
– Då tenkjer eg, då driv staten på med å flytte fleire kontor frå Sogn og Fjordane til Bergen enn det dei har vore ute å snakka høgt om, seier han.
- LES OGSÅ:
- LES OGSÅ:
– Har sett på andre bevegelsar i samfunnet
I eit intervju med NRK gjentok Kaiser argumentet for flyttinga av Alarmsentralen i Florø til Bergen.
– Vi har sett på andre bevegelsar i samfunnet, det kan vere for eksempel politiet sin prosess for å restrukturere politidistrikta.
– Vi trur at ved å legge plasseringa slik vi no har gjort, så er det den riktigaste og beste strukturen for framtida, seier han.
– Sikraste og beste løysinga
Samtidig går det altså føre seg ein gjennomgang av politiet, både når det gjeld ressursbruk og organisering.
Regjeringa sette i november i fjor ned utvalet som skal gje ei innstilling om ein langsiktig plan om utvikling av politiet. Den såkalla Politianalysen skal vere ferdig innan juni i år, og regjeringa planlegg å legge fram sitt framlegg i samband med statsbudsjettet for 2014.
Kaiser vil ikkje gå nærmare inn på kva han veit om politiet sine prosessar.
– Det blir for tynt for meg å slå noko bombastisk fast, men vi har sett på andre prosessar og gjort greie for det i vårt varsel om vedtak.
– Då trur vi at den løysinga vi no kjem med er den sikraste og beste løysinga for innbyggjarane, og den som vil gje ei optimal naudalarmteneste, seier Kaiser.
- LES OGSÅ:
- LES OGSÅ:
(Artikkelen held fram under biletet)
Har ikkje lyst ut stilling som ny politimeister
Men fleire har også stilt spørsmål om kvifor stillinga som politimeister ikkje er kunngjort enno. I slutten av mars er åremålet til Johan Brekke som politimeiser i Sogn og Fjordane ferdig.
At politidirektoratet ikkje har søkt etter ny politimeister har sett fart i spekulasjonane om politidistriktet har ei framtid.
NRK var i kontakt med politidirektoratet om mogleg samanslåing av politidistrikta første gong torsdag 8. februar. Ingen har til no hatt høve til å kommentere saka utover at Brekke si stilling er planlagt kunngjort.
- LES OGSÅ:
- LES OGSÅ:
– Hårreisande
Brosvik kjenner seg framleis ikkje trygg.
– Dette gjer meg veldig uroa for kva dei har planlagt i forhold til politiet.
– Om dei driv med slike prosessar som ikkje ein gong er offentlege, i forhold til så viktige samfunnsområde og ting som er så viktige for innbyggjarane i Sogn og Fjordane, så er dette eigentleg heilt hårreisande.
- LES OGSÅ:
- LES OGSÅ: