I alt dreier det seg om 1.000 kundar i Sogn og Fjordane.
Dermed følgjer energiselskapa i fylket i fotspora til BKK i Bergen og Tafjord i Ålesund sine fotspor. Dei selde sine alarmporteføljer til same aktør i fjor.
– Vi tek no det same stege som fleire andre kraftselskap har teke dei seinare åra, gjennom å fokusere på våre kjerneverksemder innan kraftproduksjon, straumsal og nettinfrastruktur, og overlet alarmtenester til selskap som er spesialistar på dette området, seier kraftdirektør Bjarne Dybvik i SFE, nettsjef Helge Robert Midtbø i Sunnfjord Energi og marknadssjef Trude Undebakke i Sognekraft i ei felles utsegn.
Inntek fylket
Sector Alarm etablerte seg på marknaden i 1995 og er med sine 144.000 kundar ein av dei leiande leverandørane av bustadalarm i Norge. Administrerande direktør Viggo Skeisvoll seier at dei ynskjer å satse på Sogn og Fjordane.
– Vi har lenge hatt eit ynskje om å styrke oss i Sogn og Fjordane, og etter denne avtalen vil vi også etablere oss med eige kontor i fylket, seier han og fortel at avtalen omfattar inntil 1.085 kundar.
Blir kontakta
Ifølgje ei pressemelding vil ikkje overtakinga ha nokon praktisk betydning. Alle kundane vil bli kontakta av kraftselskapa og informert om overtakinga.
– Gjennom etableringa av eit lokalkontor, med lokale montørar, og vår kompetanse som spesialist på bustadalarmar, vil vi kunne tilby framleis god handtering og oppfølging av kundane, seier Skeisvoll.