Han skal teste bakken før søskenbarnet Anders Fannemel skal hoppe.
Skiflygingsbakken i Vikersund er verskap for det første skiflygingsrennet denne sesongen, og alt 19 norske rekrutthopparar er tekne ut som prøvehopparar.
Ein av dei er Lorentz Fannemel, søskenbarnet til Anders Fannemel.
– Når eg sit på toppen av bakken so er eg nok både nervøs og spent. Samstundes so har er sopass kontroll at eg ikkje er uroleg for å hoppe, seier han.
Han går tredje året på NTG si toppidrettslinje for hopp på Lillehammer, og før han tok til der, var han ein av dei beste hopparane i aldersbestemte klassar i Sogn og Fjordane.
- LES OGSÅ:
- LES OGSÅ:
Ein hoppar har berre lov til å hoppe maks fire hopp per dag i ein skiflygingsbakke. For å hoppe i ein så stor bakke er ei stor mental påkjenning.
– Eg reiser ned torsdag for å prøve bakken. Eg har høyrt at den er tung og at det er vanskeleg å koma langt ned i bakken om ein ikkje hoppar godt teknisk.
– Du har jo eit søskenbarn som har hoppa veldig langt der, du kan kanskje få nokre tips frå han?
– Ja, han har jo kanskje nokre triks å koma med.
– Håpar folk heiar på Lorentz
Rennleiar i Vikersund, Ole Gunnar Fidjestøl, seier prøvehopparane er viktige for rennleiinga.
– Hopparane gir mange svar vi treng for å sette rett fart og sørgje for god tryggleik, seier Fidjestøl.
- LES OGSÅ:
- LES OGSÅ:
Arrangøren oppmodar folk til å komme og heie på Fannemel.
– Dette kan bli ei fantastisk skiflygingshelg, og vi håper mange kjem for å heie på Lorentz torsdag, seier Vikersundpresident Håvard Orsteen.