Nektar å byggje servicesenter ved stavkyrka i Vik

Hopperstad stavkyrkje i Vik er bygd kring 1130 og er ei av dei fem bevarte stavkyrkjene i Sogn.

Det er Bergens Tidende som skriv at kommunestyret i Vik har avgjort å leggje til rette for eit servicesenter like ved den 900 år gamle stavkyrkja.

Der skal folk kunne kjøpe billettar til kyrkja, suvenirar og mat. I tillegg skal det vere toalett der.

Riksantikvaren har godkjent plasseringa. Men fortidsminn­eforeininga, som eig kyrkja, nektar å setje opp eit slikt bygg.

– Det vil svekke samspelet og heilskapen av kulturminnet og landskapsrommet i vesentleg grad, skriv foreininga i eit brev til Fylkesmannen.

• Les meir om Hopperstad stavkyrkje i Fylkesleksikonet

Ordførar Marta Finden Halset (Ap) likar ikkje haldninga til Fortidsminneforeininga.

– Også dei må innrette seg etter offentleg forvaltning og planstyremakter, seier ho til Bergens Tidende.

• LES OGSÅ: Brukar ikkje vatn - betaler 34.000
• LES OGSÅ: Stavkyrkjer sikra for 150 millionar