Framleis stengd på Vikafjellet

Raset er 20-30 meter breitt og tre-fire meter høgt. Vakthavande ved vegtrafikksentralen i Lærdal, Roger Nedberge Hille, seier raset enno ikkje er ferdig rydda.

– Det er ei utfordrande rydding. Det blir teke ei ny vurdering i 10-tida når det er lyst nok, seier han til NRK i 06-tida.

• LES OGSÅ: Det store snøraset er like høgt som ryddeshovelen

Fylkesveg 13 over Gaularfjellet er framleis stengd på grunn av uver.

– Det blir no vurdert om fjellet skal vinterstengjast. Når det gjeld fv 92 Bjordalen–Matre som også er stengd, blir det teke ei ny vurdering på føremiddagen, seier Hille.

• Her finn du oppdaterte vegmeldingar
• Oppdater deg på veret på yr.no

Han fortel at det er bert og vått mange stader i låglandet, men det er isdekke og fare for glatte parti enkelte stader.

– Særleg i Sunnfjord og Nordfjord er det mange verre og våte vegar. På fjellovergangane er det greie køyreforhold no i 06-tida, seier han.