- Det er venta temperaturskifte utover dagen og då kan det bli glatt på vegane i låglandet. På fjellet kan det bli innført kolonnekøyring, fortel vakthavande på vegtrafikksentralen i Lærdal, Roger Nedberge Hille.
Uvêr
I morgontimane fredag er det stengt på grunn av uvêr på fylkesveg 13 over Gaularfjellet og på fylkesveg 50 Hol - Aurland.
- Det er kraftig vind som fører til at det er dårleg sikt der, seier Nedberge Hille.
På europaveg 16 over Filefjell og på riksveg 52 over Hemsedalsfjellet er det no opent for fri ferdsel etter at det har vore kolonne der natt til fredag.
Det kan bli innført kolonnekøyring om vêret på fjellet vert verre.
Kjem snø og regn
Vêrvarselet for Sogn og Fjordane 4.juledag fortel at det er venta skiftande vêr utover dagen.
Først er det sørleg bris og stort sett pent vêr, men utover førmiddagen vert det søraustleg sterk kuling utsette stader.
Fredag på kvelden vert det sørleg liten storm på kysten av fylket. Det er også venta snøbyger og regnbyger.