Redningsetatane i Gloppen rykte ut, men kvinna i 20-åra hadde sjølv klart å kome seg ut av bilen etter utforkøyringa ved Breimsfjellet.
– Eg har sjølv snakka med kvinna og ho kom frå det med heilt ubetydelege skadar, opplyser operasjonsleiar Nils Erik Eggen i Sogn og Fjordane politidistrikt til NRK.
Snøfall i deler av fylket har gjort vegane glatte nokre stader, men det er uvisst om det er årsaka til ulukka på Breim.
Kvinna vart frakta til sjukehus i Førde etter ulukka, men i følgje politiet er det snakk om lettare skadar.