Nye aktivitetar i Briksdalen

Breen trekkjer seg så mykje tilbake at breførar Frode Briksdal har tenkt nytt like nedom breen.

Snart for bratt for breføring

Aktivitetsparken som dei alt er godt i gang med i Briksdalen vil bli rundt 17 dekar stor, har til no kosta rundt 400.000 kroner og skal i første omgang  vere eit supplement til klatringa på breen. For Briksdalsbreen, eitt av dei mest besøkte turistmåla i landet, trekkjer seg tilbake. Berre i 2005 gjekk breen tilbake med 130 meter. Og smeltinga av bretunga har halde fram i år. Dermed kan det fort bli for bratt for breføring.

- Vil tilby spennande aktivitetar

- Hovudtanken bak prosjektet vi held på å byggje opp i Briksdalen og rundt Briksdalsbre Fjellstove er at no når breen har gått så mykje tilbake at det vil ikkje verte råd å drive breføring der  i framtida, så skal vi likevel kunne tilby spennande aktivitetar som folk kan vere med og delta i.

Klatretårn og løypestreng

Aktivitetar som stabling av kassar i høgda hengande i klatretau, edderkoppnett, klatretårn og løypestreng over dalen, kjem ikkje i konflikt med den spektakulære naturen i området, seier Frode Briksdal. Men aktivitet på berr bakke er ikkje god nok erstatning for alle.

- Men det er eit godt alternativ for bedrifter og skuleklassar som har lyst på spennande utfordringar når dei kjem til Briksdalen, seier Frode Briksdal..