Rallarvegen i forfall

Fleire tusen personar syklar kvart år på strekninga som går frå Haugastøl til Flåm.

Vaska vekk

Mangel på vedlikehald kombinert med fleire kraftige hauststormar dei siste åra, har sett deler av Rallarvegen i svært dårleg stand. Enkelte stader er vegen rett og slett vaska vekk, seier avdelingsingeniør Olav Hande i Jernbaneverket.

Likevel stor trafikk

Sjølv om det er dårleg standard på Rallarvegen,  har trafikken i år vore stor. Ved Vatnahalsen hotell kan dei ikkje sist hugse at så mange har sykla strekninga frå Haugastøl til Flåm. Jernbaneverket vil at folk også i framtida skal kunne nytte seg av den gamle anleggsvegen som rallarane brukte då dei bygde Bergensbana. Difor blir det i haust sett i gang omfattande vedlikehaldsarbeid, seier Olav Hande.