Krev at Varg Veum blir i Bergen

Filmane vil kosta totalt 84 millionar kroner, og 13 av desse skal koma frå Bergen.

Kontor på Strandkaien

Forfattar Gunnar Staalesen seier at innspelinga av filmane skal skje i Bergen.

- Eg har alltid visst at Varg Veum-filmane kom til å føregå i Bergen. Dersom det ikkje blir i Bergen, blir det ingen stader, fortel Staalesen.

- Så du hadde ikkje funne deg i at han skulle ha gått slengande rundt i Oslo og løyst krimgåter?

- Nei, viss han skal til Oslo må det vera i samband med den forteljinga som føregår i Oslo. Varg Veum har kontor på Strandkaien. Det vil han óg ha i filmane, seier forfattaren.

Forfattar Gunnar Staalesen.

Skal snakka bergensk

BA skriv i dag at Trond Espen Seim og Mads Ousland er dei heitaste kandidatane til å spela Varg Veum.

- Dette er nytt for meg. Eg har alltid sagt at Veum skal spelast av ein bergensar, så dette er nok berre spekulasjonar, seier Staalesen.

- Kven har du i tankane?

- Det har eg heilt medvite latt vera å svara på, og det gjer eg ikkje no heller, svarer han.

Lyd og video

Se også