Det same skjedde då to hissige sjåførar i ein personbil og eit vogntog møtte kvarandre på Røssvollbrua på E6 i Rana i helga.
Ingen av dei ville rygge - og det enda med politiutrykking, kaos lange køar.
Kaos
Politiet fekk meldinga like før midnatt søndag kveld. Då ein personbil og ein trailer møtte kvarandre på Røssvollbrua i Mo i Rana vart det kaos. Ingen av dei ville rygge, og det skapte køar i begge retningar.
- Vi måtte rykke ut og løyse opp i korket. Då vi kom fram fekk vi høyre ulike versjonar av kva som hadde skjedd, men situasjonen løyste seg, seier operasjonsleiar i Helgeland politidistrikt Lisbeth Aarvik.
Like sta som Fleksnes
- Det er jo litt Fleksnes. Der var det vel ein episode kor dette skjedde, seier Aarvik.
I den velkjente episoden i serien om Marve Fleksnes, med Rolv Wesenlund i hovudrolla, nekta Fleksnes å rygge då han møter Henki Kolstad sin Jaguar på ein smal vinterveg. Den komiske situasjonen kan oppstå i den verkelege verda også.
- Vi har vore borti det før, men det går lang tid mellom kvar gong. Som regel blir jo folk einige.
Episoden får ikkje etterspel, sjølv om politiet måtte rykke ut for å løyse opp floka.
- Nei, vi kan jo ikkje slå fast kven som har gjort kva her. Vi får berre oppmode folk til å bruke sunn fornuft.