Ivar Breivik spår at vi om nokre få år må bestille maten på engelsk fordi ein ikkje klarer å rekruttere norske servitørar og kokkar.
Foto: Lena Stette Høyberg / NRKKokk Vladimir Janoska kjem frå Slovakia og jobbar på restaurant i Ålesund. Han er eit typisk eksempel på at restaurantbransjen slit med å få tak i nok arbeidskraft frå Noreg.
Restauranteigar Ivar Breivik meiner elevane får for lite motivasjon i skulen, og at det er grunnen til at dei vel dei vekk kokkeyrket etter lærlingtida er omme.
– Når ein skule på tre klasser har eit budsjett på berre 150.000 kroner å lage mat for, blir ikkje det rare blomskålsuppa, meiner Breivik.
Kan ikkje like mykje
Rektoren ved Borgund vidaregåande skole i Ålesund, Jessie Strand Fagervoll, innrømmer at elevane er mindre spesialiserte enn før. Etter kunnskapsløftet vart yrkesfaga endra, slik at ein ikkje går like mykje i djupna som før.
Jessie Strand Fagervoll innrømmer at elevane på yrkesfag ikkje går like mykje i djupna som før.
Foto: Terje Reite / NRK– Det gjer at lærebedriftene opplever at elevane ikkje kan så mykje innanfor faget som dei gjorde før, seier Fagervoll.
Engelsk i restauranten
For Breivik betyr det at han i framtida må bu seg på å bruke meir utanlandsk arbeidskraft.
– Om tre til fem år må du rekne med å måtte bestille maten på engelsk og at dei som står på kjøkkenet heller ikkje kan norsk, seier Breivik.
