Ålesunds-forfattar vann 300.000

Det var på grunn av hennar debutroman «Utfor» som kom ut i 2011 at Sunniva Relling Berg fekk kulturpris av Stiftelsen Kjell Holm.

Debutromanen gjorde òg at Relling Berg blei nominert til Brageprisen.

• LES OGSÅ: Nominert til Brageprisen
• LES OGSÅ: – Nynorsken gjorde skrivinga meir munnleg

24-åringen frå Ålesund fekk tildelt pris og prispengane på 300.000 kroner under Kjell Holms dag på Sunnmøre Museum måndag.

– Eg er utruleg takksam overfor stiftelsen som har gjeve meg sjansen til å «kjøpe» skrivetid eg elles ikkje hadde hatt samvit til å bruke, seier Relling Berg til Sunnmørsposten.

• LES OGSÅ: - Møre og Romsdal er eit tyngdepunkt innan barne- og ungdomslitteratur

Formålet med Stiftelsen Kjell Holm er, ifølgje nettsidene, å: «Støtte og utvikle kulturelle og samfunnsgagnlege tiltak, i første rekke slike som er knytt til stiftaren sin fødeby Ålesund og/eller til den freda gamle garden Sandbu i Våga».