Fotballforbundet vil granske fleire episodar både under og etter kampen mellom Aafk og Rosenborg sist fredag.
- Du såg jo det at temperaturen på laget mitt var nesten på klikkepunktet, eller kanskje til og med over, sa Aafk-trenar Kjetil Rekdal rett etter kampen.
Les også:
Kan ha bidratt
Men Aafk-trenaren sjølv var heller ikkje upåvirka av uavgjort-resultatet. Rett etter kampen kunne tv-sjåarar over heile landet følgje med på Rekdal, som ikkje viste fingeren, men smelte handa oppgitt i lufta.
- Kjetil er ein person som elskar å vinne fotballkampar og som er ivrig og leiar laget sitt på eit utmerka måte, men så er det av og til det fell nokre feil ord. Dette må sjåast i samanheng med det konkurranseinstiktet mange idrettsutøvarar har, seier klubbdirektør Henrik Hoff.
Sjå tv-saka frå 18.40-sendinga måndag 30.april:
Vil granske bråket
No vil fortballforbundet ha ei skriftleg forklaring mellom anna på framferda til trenarane.
- Trenarar og spelarar er jo i ein konkurransesituasjon der og då, men så er det samstundes nokre klare grenser som må følgjast. Spørsmålet er om ein kryssar dei grensene, seier informasjonssjef Svein Graff i Norges Fotballforbund.
Fryktar ingenting
Aafk-kaptein Daniel Arnefjord fekk ikkje med seg bråket i spelartunnellen etter kampen, men fryktar ikkje at påtalenemnda i forbundet går vidare med saka når klubbane har forklart seg.
- Det var ingen hatsk stemning, men det var bra trykk på tribuane, så det er klart det er mange kjensler i ein slik kamp, seier Arnefjord.