Det er eit omfattande apparat som blir sett i sving når rettssaka mot Anders Behring Breivik blir sett i gang måndag. Opp til 2500 personar har lovmessig rett til å følgje saka. I tillegg ønskjer 750 førehandspåmelde mediefolk frå om lag 200 norske og utanlandske medieinstitusjonar å følgje saka.
- Les også:
Overføring til storskjermar
Sjølv om ein heil etasje i Oslo tinghus skal brukast i samband med rettssaka, blir dette for lite. I 10 veker kan fornærma, etterlatne med familiemedlemer, bistandsadvokatar, verger, ledsagarar og helsepersonell følgje saka frå 17 tinghus over heile landet.
- Les også:
- Les også:
Eit skjerma område
Sunnmøre tingrett er ein av tingrettane i Noreg som skal overføre rettssaka. Der er det plass til 70 personar, i den største av rettssalane. Dommarstolane er fjerna. Elles er salen langt på veg rigga som under ei vanleg straffesak. Det er sett av arbeidsplassar til 5 bistandsavokatar, til helsepersonell og til støttegruppa. Det er også sett inn fleire stolar enn vanleg, for å få plass til alle som har fått inngangsbillett.
– Sjølve rettssalen blir eit skjerma område, og det skal ligge rimeleg godt til rette for at dei som har fått plass her skal få kome til og frå utan å bli forstyrra av nokon. Heller ikkje pressa har tilgang her, dei får heller ikkje filme og ta bilete her mens folk kjem om morgonen og går om ettermiddagen, seier Hagen.
- Les også:
Nye tekniske løysingar
Det er NRK som har fått ansvaret for sendingane som går frå Oslo tinghus til dei 17 overføringsdomstolane. Sendinga blir ei streamingløysing i HD-kvalitet. Det er bygd eit eige fibernett som skal brukast spesielt til denne sendinga. Og alle dei 17 overføringsdomstolane har fått nytt datautstyr og visningsutstyr.
– Mykje av dette utstyret blir ståande att og blir ein verdi for tingrettane. Mellom anna får Sunnmøre tingrett styrka linjenettet sitt for bruk inn i framtida, seier Hagen.
– Det er vel dei siste års teknologiske utvikling som gjer det mogleg å gjennomføre rettssaka på denne måten?
– Ja, det at dette skjer i 2012 gjer at avviklinga kan skje på måtar som var umogleg for berre få år sidan, seier Hagen.
- Les også:
– Førebudde på spesielle situasjonar
I salen blir det helsepersonell under heile forhandlingane. Dette er eit kommunalt ansvar. I tillegg vil også politiet vere i nærleiken, og har eit eige opplegg for tryggleiken. Rettssaka vil vere ein periode som vil vere svært vanskeleg for mange. Men tingrettane har budd seg på det som måtte kome.
– Vi er budde på forskjellige situasjonar. Her er helsepersonell til stades, tryggleiken er teken vare på, og salen er skjerma så godt som mogleg, seier Hagen.