Dagros skal få meir mosjon og luft

Det seier nestleiar i Møre og Romsdal bondelag, Birgit Oline Kjerstad.

Les også:

• Kyllingprodusentar får slakt
• Krever at slaktekyllingprodusenter rydder opp
• Kasta av eigaren – fleire tusen melder frå til Mattilsynet

– Ikkje nok mat

Kjerstad meiner det tvert i mot kan bli dårlegare dyrevelferd om alle kyr skal vere ute i åtte veker.

– God dyrevelferd betyr nok mat, lys, luft og plass til å bevege seg. Dersom ein skal ha ein stor flokk med dyr ut på beite på eit lite område, så blir det ikkje nok mat. Sjølv om der er lys og luft, seier Kjerstad.

Ho meiner også det fins fleire vanskar om alle kyr skal vere ute i åtte veker.

– Klauvhelse er viktig, og det kan bli utfordrande når dei må beite i eit vått klima, legg ho til.

Les også:

• Bondelaget vrakar hotell med "feil" mjølk
• Hevder Tine bløffer i melkereklame

Lita forståing

Dei fleste norske kyr er alt på utebeite i fleire veker om sommaren. Men hittil har fjøs med såkalla lausdrift vore fritatt frå kravet med frist til 1. januar 2013.

Regiondirektøren i Mattilsynet i Trøndelag og Møre og Romsdal, Bjørn røthe Knudtsen har lita forståing for at dårleg klima og store moderne fjøs kan erstatte frisk luft og gras under klauvene.

– Eg kjenner ikkje til nokon som med handa på hjartet kan seie at det ikkje er godt for dyr å kome ut på utmarksbeite eller innmarksbeite, seier han.

Han meiner det er det absolutt beste for dyra å kome seg ut nokre veker kvar sommar. Og Birgit Oline Kjerstad i bondelaget trur dei fleste i næringa vil gjere alt for å få dette til.

– Men så er det nokre stader dette ikkje går, og då må dei søke om dispensasjon, seier ho.