Flaum og ras i Gudbrandsdalen skaper store problem for busstrafikken mellom Møre og Romsdal og Oslo.
Det er uklart om ettermiddags- og nattavgangane på Møreekspressen og Nordfordekspressen kan gå 1.pinsedag, melder NOR-WAY Bussekspress.
Det blir køyrt ein buss rundt omkjøringsvegane, og erfaringane frå denne bussen vil vere avgjerande for om det er praktisk muleg å kome over.
Nattbussen usikker
- Dagbussane frå Fosnavåg-Ulsteinvik-Ørsta-Volda via Stryn går berre til Otta, seier Øystein Haddal i Fjord 1 Buss Møre til NRK Møre og Romsdal.
Når det gjeld nattbussen vil det bli tatt ei vurdering klokka 15 søndag.
I togtrafikken er Raumabanen stengd mellom Bjorli og Dombås. NSB har sett inn bussar i staden for tog. Det er uvisst når banen kan opnast att.