No skal alt sammen vekk frå hyllene i Hareid.
Ei trist dag for Christina Dybhavn
Foto: Bernt Baltzersen / NRK- Det er ein trist dag. Kundar frå heile regionen har vore her og dei synes det er leit å miste alle sortane sine, seier dagleg leiar Christina Dybhavn.
Og Jonny Muren som er innom for å handle er samd.
Jonnu Muren trur det blir vanskeleg å finne det same utvalet i daglegvarebutikkane
Foto: Bernt Baltzersen / NRK- Det utvalet som er her kjem ikkje til å finnast i daglegvareforretningane. Kanskje eg må så langt som til Singapore for å få meg ei Tiger-øl heretter, smiler han.
Frå monopol til daglegvare
I løpet av dei siste 10 åra har det blitt lagt ned over 100 kommunale ølutsal i Noreg - og salet er flytta over til daglegvarebutikkane.
- Dette er kjempeflott, for no kan vi tilby kundane det same som nabokommunane kan gjere, seier butikksjef Vigdis Baade på Eurospar Hareid.
