Drapstrua på Facebook

Krevande tid

Oddbjørn Tomren er tillitsvalt for sjukepleiarforbundet i Helse Nordmøre og Romsdal. Han har stått i spissen i sjukehusstriden og fronta sjukepleiarane si sak.

• Sjukehusstrid kan ha kosta topplass

Det har vore ei tøff tid, og før helga vart han også drapstrua på Facebook.

– Det har vore krevande både for meg og familien, seier han.

Vil ha nytt sjukehus i Molde

Tomren er ein av dei som har kjempa for at Nye Molde sjukehus skal bli bygd som planlagt på Eikrem i Molde.

Dei fleste av medlemmene hans i Kristiansund går no inn for eit felles sjukehus for Nordmøre og Romsdal på Gjemnes på Nordmøre.

• - Ikkje vinnarar og taparar
• Nordmøre vil ha sjukehus på Gjemnes

Likevel meiner 42-åringen at nordmøringane si interesse er godt ivaretatt.

– Vi er likt representert, og vi har lik mulegheit til å påverke.

Ikkje til å misforstå

Tomren meiner drapstruslane ikkje var til å misforstå.

– Det sto at no må eg skjerpe meg om eg skal bli noko særleg "gamlare". Og at eg måtte passe helsa mi. Ikkje legge meg borti slike saker.

– Overskrifta var: Kor skal sjukehuset ligge? seier Oddbjørn Tomren til NRK.