I dag var det hopp og sprett og mange øvingar for dei første frammøtte. Alle blei registrert og fikk nummerlapp. Så skulle dei gå ein og ein inn til dei som skal avgjere kven det er som skal få rolle i «Vaffelhjarte».
– Eg syns boka var veldig kjekk. Og dette høyres veldig spennande ut,. Og eg er veldig spent på kva som skal skje vidare,seier Amalie Flister. Ho har kome til audition og skal vise fram om ho kan duge i ei av rollene.
Mange hundre vil vere med
Dei som hadde fått innkalling til audition i dag er berre ein brøkdel av alle dei som har lyst til å få ei rolle.
– Eg tykkjer det er gøy å spele teater. Og eg tykkjer også at boka «Vaffelhjerte» er kjekk, seier August Brandal, som også har kome på autidion i dag. Men eg er veldig nervøs no like før eg skal inn, seier han.
– Kjempekjekt å vere på audition
NRK fekk ikkje lov til å vere med inn på sjølve audition. Men vi forstår på dei som kjem ut frå auditionromet at det er morosamt å vere med på dette.
– Dette var kjekt. Eg er frå Åheimi Vanylven, same kommune som forfattaren Maria Parr kjem frå, fortel Amalie Flister når ho kjem ut att.
– Fantastisk oppslutning
Dei som produserer «Vaffelhjarte» er veldig godt nøgde etter første dag med audition.
– Vi er så glade for dette. Det er så mange, kjekke ungar som har vore her. Nokre skal også vere med vidare. Dette her er kjempebra. Vi skal ha alle inn på første runde. Så blir det ei utplukking av dei som skal vidare, seier auditionansvarleg Jan Terje Eidset.