I dag er det fest i Surnadal

På skulen skal det feirast med pølser og brus. Og alle skal få sjå finalen i reprise på storskjerm.

– Vi har fått eit skikkeleg positivt løft. Dette er noko som gjer noko med stoltheita vår, seier FAU-leiar Bergsvein Brøske. Laurdag vann Torstein Snekvik Melodi Grand Prix junior.

Før konkurransen i Oslo Spectrum tok til runga det med «Torstein»-rop i gatene utanfor Oslo Spectrum. 220 frå Kvenna hadde møtt opp og var med og heia fram sambygdingen Torstein Snekvik.

– Sjå her, det er heilt fantastisk, seier mor Heid Snekvik i timane før konkurransen. Heile Kvanne har jo kome til Oslo. Det er heilt supert, seier ho.

Nettmøte: Torstein svarer på dine spørsmål i dag

Tok til tårene

10 år gamle Torstein Snekvik frå Surndal tok til tårene då det var klart at han vann MGPjr laurdag kveld. For ni månader sidan hadde han aldri stått på ei scene før.

• Torstein tok til tårene
• Torstein Snekvik vant MGP jr. 2010
• Klar for Melodi Grand Prix junior

Trøytt Torstein

Dagen etter møter vi ein glad men sliten 10-åring utanfor hotellet i Oslo. For det har vore eit heilt spesielt døgn for Torstein Snekvik.

- Eg har hatt det kjempebra, og har kosa meg, men no er eg litt trøytt. Det blei seint i natt, eller i dag, rettare sagt, seier ti-åringen søndag ettermiddag. Han vedgår at han blei fylt av glede og tårer då programleiarane i MGPjr las opp namnet hans.

Kort karriere

Det er ikkje meir enn ni månader sidan Torstein Snekvik sto på scena for første gong. Det skjedde under ei juleavslutning til kulturskulen i Surnadal.

- Det har vore eit sjukt løpt, før fekk eg spele ein gong i året, no spelar eg mange ulike stader, så dette er eit stort løft, seier han.

Fest på skulen

Måndag skal MGPjr-sigeren markerast på skulen i Surnadal, og ti-åringen gler seg.

- Eg kjem ikkje til å gjere så mykje lekser måndag iallefall. Det blir kjempeartig å møte igjen kompisane mine, og så blir det sikkert ein del talar, seier vinnaren.