Det er klart etter eit møte i arbeidsutvalet i går.
I vår sa eit fleirtal på fylkesårsmøte i Møre og Romsdal Høgre nei til direktivet, men landsmøtet i Høgre valde å utsette saka.
No skal partiet behandle saka på nytt, men fylkesleiar Helge Orten ser ingen grunn til å endre standpunkt.
- Etter vår oppfatning går dette for langt i forhold til personvernet. Det vil kunne bli lagra informasjon om den einskilde utan noko form for behandling i førekant.
- Dette er å gå for langt i noko så viktig som personvern.
Vanskeleg avgjerd
Saka er vanskeleg, så vanskeleg at då Høgre skulle ta stilling til EU sitt datalagringsdirektiv på landsmøtet i mai så blei den utsett.
3.september skal sentralstyret i Høgre behandle saka på nytt etter at det no har vore ei høyringsrunde i fylkesparta. Helge Orten meinar Høgre ikkje bør forhaste seg.
- No foregår det ei evaluering også i EU-systemet der det vil kome ein rapport utpå hausten. Vi meiner det er fornuftig å sjå kva som kjem ut av dette før endeleg standpunkt blir tatt, seier Helge Orten.
