Politiet fekk fleire telefonar om hendinga klokka 3.47. Det skal ha skjedd på torget i Molde sentrum.
22-åringen vart operert i natt for det sjukehuset kallar alvorlege stikkskader, og skal no vere stabil.
Raskt til staden
- Me kom raskt til staden, men då var gjerningspersonane vekke, fortel operasjonsleiar Tore Hals i Nordmøre og Romsdal politidistrikt.
Klokka 4.50 pågreip dei to menn i ei leilegheit i byen.
- Trur dei er dei rette
- Me pågreip dei etter at å ha snakka med vitne til hendinga. Me meiner det er dei rette me har tatt, men dette er jo tidleg i etterforskinga, seier Hals.
Veit du noko om saka? Tips NRK på mr@nrk.no.