Til avhøyr
Politiet i Ålesund har arbeidd med saka sidan klokka fire i natt, då ei kvinne i byrjinga av 20-åra meldte frå om at ho hadde blitt overfalt og valdteken på Aspøya. Politiet er tilbakehaldne med opplysningar, og vil ikkje seie meir om omstenda.
- Kvinna blei køyrt til valdtektsmottaket, og skal no avhøyrast av oss. Etter det veit vi meir om kva som skjedde, seier operasjonsleiar Leif Arne Valderhaug. Han seier han ikkje vil spekulere i om kvinna snakkar sant.
Fleire episodar
Sidan oktober har politiet fått ei rekkje meldingar om grov vald og valdtektsforsøk mot fleire kvinner. Alle episodane skal ha skjedd på Aspøya i Ålesund, og ingen av sakene er oppklarte. Tidlegare i vinter bestemte politiet seg for å patruljere gatene i sivilt i helgane.
Les også:
Ekstramannskap
Politiet vil søndag formiddag kalle inn ekstramannskap for å kunne starte etterforskinga så raskt som råd. Tidlegare i natt forsøkte politiet å finne gjerningsmannen, men utan å lukkast.