Fleire vil ha Tamiflu

Fleire skaffer seg no resept på influensamedisinen Tamiflu.

Fleire med Tamiflu-resept

Apotekar Svein Sæter i Kristiansund seier det er travelt, men at folk ikkje har panikk.

- Trenden er at fleire og flerie kjem til apoteket for å få råd og rettleiing. No ser vi også at reseptane for Tamiflu også begynner å kome, seier Sæter.

Sæter fortel at mange no kontaktar lege.

- Det er nok litt av frykt, men mange har alt fått influensa. Om det er svineinfluensa eller vanleg sesonginfluensa veit eg ikkje så mykje om endå, seier han.

Trøkk på sentralbordet

Tamiflu er medisinen du skal ta når du har fått influesna. Den gjer at sjukdommen blir mildare og set kortare i kroppen.

Sist veke kritiserte Helsedirektoratet legane for å vere for restriktive med å gi ut reseptar på dette stoffet. I går var det travelt på sentralbordet ved Sentrum Legesenter i Kristiansund.

- Vi få alle slags spørsmål. Ein del ringer og spør om resept på Tamiflu, får NRK opplyst ved legesenteret.