- Nei til pels

Omlag 30 personar gjekk frå rådhuset i Ålesund klokka 18.00 og ropte slagordet: Nei til pels!

Det er gruppa NOAH som står bak fakkeltoget.

Motstand

Etter å ha fått mange sterke reaksjonar etter TV2 sin dokumentar om pelsoppdrett varsla gruppa at dei ville markere si motstand med fakkeltog i fleire byar i Norge.

Også i Bergen, Oslo, Stavanger, Trondheim, Arendal og Tromsø gjekk det fakkeltog torsdag kveld.

- Pelsdyroppdrett blir forbudt i land etter land, medan norske politikarar vel å sette på seg skylappar, skriv vetrinær Siri Martinsen i NOAH i ei pressemelding.

Dyreplageri

Organisasjonen meiner norske politkarar vel å oversjå at dyra lid til fordel for næringsinteresser.

- Det er skandaløst at Norges landbruksminister karakteriserar det å halde rev og mink i bur for "fullt ut forsvarleg og akseptabelt etisk", medan politkarar i Sverige, England, Østerrike, Sveits, Nederland og Sanmark innrømmer og tek konsekvensen av at dyr i pelsdyroppdrett lid.

Aktivistkoordinator i NOAH, Heidi Røneid seier i pressemeldinga at opinionen klart er i mot pelsdyroppdrett.

- Politikarane trenerer ei avvikling av dyreplageriet, seier ho.