Eit kraftig lyn-og torever over Rindal og Surnadal førte til at fleire hundre husstandar mista straumen laurdag kveld.
Fire transformatorar havarerte
Vakthavande ved Svorka Energi, Stig Talgø fortel at fire transformatorar havarerte på grunn av lynnedslag i 17-tida.
Må byttast ut
I Rørdal i Rindal og på Honnstad i Surnadal vil det ta lengst tid å få straumen attende, for der har transformatorane eksplodert og må bytast ut, seier Talgø.
Ei lang natt i vente
Ansatte ved Svorka Energi jobbar med å lokalisere feila på straumnettet. Nokre abonnentar kan vente å få straumen tilbake i 21-tida, medan andre må vente nokre timar til, seier Talgø.