Institusjonen blei driven av Sunnmøre Indremisjon fram til 1981, då fylkeskommunen tok over. Erstatningskrava gjeld både fysiske, psykiske og seksuelle overgrep.
Tilsynsansvar
Advokat Ole Erik Gussiås i Molde er advokat for dei fem. Han seier til Sunnmørsposten at dei rettar krava til Ørsta kommune fordi vertskommunen hadde tilsynsansvaret for barneheimen.
Saksbehandlar Odd Ivar Øvregård i Ørsta kommune seier at saka skal bli raskt behandla, men at dei enno er usikre på korleis dei skal handtere ho.
- Truverdige
Krinsleiar Erik Furnes i Sunnmøre Indremisjon seier at han vurderer historiene til dei fem som sterke og truverdige. - Vi prøver etter beste evne å kartleggje kva som kan ha skjedd. Vi ønskjer at alle som måtte ha liknande negative opplevingar knytte til vår organisasjon tek kontakt. Det einaste rette er å få det fram i lyset, seier Furnes til Sunnmørsposten.
