Planar om innkorting Halsa - Kanestraum

Ei innkorting av ferjesambandet over Halsafjorden kan vere lettare å realisere enn fjordkryssing med tunnel, meiner Statens vegvesen. Måndag kveld presenterer vegvesenet planar for ei slik innkorting på eit folkemøte i Straumsnes i Tingvoll.

Tid spart, pengar spart

Dersom sambandet blir flytta litt lenger ut i fjorden der han er smalast, blir overfartstida halvert og det trengst berre ei ferje. I dag går det to ferjer mellom Halsa og Kanestraum.

Rådgjevar Jan Stavik. Foto: Gunnar Sandvik, NRK

- Ei slik flytting betyr ei innsparing på 150-200 millionar kroner i spart reisetid og lågare ferjetakstar, seier rådgjevar Jan Stavik i Statens vegvesen.

Men takstane kan ikkje reduserast før innkortinga er betalt med bompengar og sparte subsidiar.

Lyd og video