- Kraftsituasjonen i Midt-Noreg er så pass bra at vi er nokså sikre på at vi ikkje treng kraft frå desse gasskraftverka i vinter, seier kommunikasjonsdirektør Tor Inge Akselsen i Statnett.
Statnett har enno ikkje fått utsleppsløyve for gasskraftverket på Tjeldbergodden. - Planen vår er å teste ut anlegget i januar, og då må vi ha fått utslepssløyve. Anlegget på Nyhamna kjem noko seinare, seier Akselsen.
Dei to mobile gasskraftverka kostar 1,5 milliardar kroner, noko alle straumkundar i Noreg må vere med og betale. Statnett seier dei er nødvendige så lenge kraftsituasjonen i Midt-Noreg ikkje er betre, og dei blir truleg ståande i fem år. Då skal den planlagde kraftlinja mellom Sogn og Sunnmøre vere bygd.