Bondevik innbyr til møte

Biskop i Møre, Odd Bondevik (Foto:Scanpix)

Biskop Odd Bondevik har kalla inn alle prestane, diakonane og kateketane i Møre for å diskutere situasjonen etter Kyrkjemøtet i november.

Synnøve Hole
Odd Sørås

Publisert 30.10.2007 11:50.

Skriv ut
Del/tips

På Kyrkjemøtet på Øyer 12. - 17. november kan kyrkja kome til å seie ja til homofile samlevande prestar. Bondevik seier at mange tilsette har behov for å diskutere saka etter Kyrkjemøtet, og at han difor vil ha ei samling med dei på Vestnes.

Det er fleire år sidan sist Bondevik kalla inn til eit liknande møte.

Sakliste og saksdokument til kyrkjemøtet på Øyer

Kyrkjemøtet

Kyrkjemøtet er det øvste representative organet i Den norske kyrkja.
Kyrkjemøtet er ordinært samla ein gong i året.
Representantar på Kyrkjemøtet er medlemmene av bispedømmeråda, medlemmer av Kyrkjerådet som er valde utanom bispdømmeråda, og leiarane av dei tre sentralkyrkjelege råda, i alt 86 representantar.
Dei tre teologiske fakulteta og 4 representantar for Ungdommens kyrkjemøte har tale- og forslagsrett på Kyrkjemøtet.
Kyrkjerådet skal blant anna uttale seg om viktige lovendringar på det kyrkjelege området, den kyrkjelege undervisninga, diakoni, kyrkjemusikk og retningslinjer for soknereguleringar. Det skal dessutan uttale seg etter pålegg frå Kongen eller Kyrkedepartementet.
Kyrkjemøtet vel eit Kyrkjeråd som førebur saker, set i verk vedtak og leier arbeidet mellom samlingane til Kyrkjemøtet.