Best i landet

Dei unge grunderane fekk prisen på norgesmesterskapet i ungdomsbedrift 2007 på Lillestrøm laurdag.

Eleptic fekk prisen for sin multifunksjonelle puff.

No skal dei vidare til europamesterskapet i ungdomsbedrift i Berlin. Dei unge skaparane var overvelda rett etter prisutdelinga:

- Dette kom heilt uventa, men vi lovar å gje alt i EM!

 Unik prestasjon

Ungdommane frå Sykkylven - og Ålesund vidaregåande skule konkurerte mot 2000 andre ungdomsbedrifter. Prisen blei delt ut av Skaparen-dommar Katinka Greve Leiner, som var imponert over Eleptic UB:

– Prestasjonane deira står ikkje tilbake for det eg har sett når eg har farta land og strand rundt.

Nyttigjort lokalt næringsliv

Juryen grunngav 1. plassen med mellom anna dette:

”har satsa på kvalitet og har utnytta næringslivet sin regionale spisskompetanse på ein særskild god måte. Juryen frammhevar at bedrifta har skaffa seg viktig kompetanse ved å samarbeide på ein meir utradisjonell måte.”

Eleptic UB fekk også førsteprisen for beste brosjyre, og kom på andreplass i konkurransen om beste utstilling. Andre ungdomsbedrifter frå Møre og Romsadal som fekk prisar var Øya UB frå Ålesund, og Quadrifolium UB frå Molde.