Sjukeheimen er ein av tre helseprosjekt som får midlar frå Designdrevet innovasjonsprogram (DIP) for å utforske korleis dei kan levere betre og meir effektive helsetenester.
– Midlane er ei fantastisk julegåve, det skal bli kjempespennande å gå inn i det nye året med dette prosjektet, seier Stephanie Helland, einingsleiar ved Rokilde sjukeheim.
Tidlegare i år har 18 prosjekt, hovudsakleg frå næringslivet, mottatt 7 millionar kronar gjennom DIP. Programmet drivast av Norsk design- og arkitektursenter, som ligg under Nærings- og fiskeridepartementet. Det nye tidstjuvinitiativet finansieres derimot av Kommunal- og moderniseringsdepartementet.
- Les også:
Morgondagens sjukeheim
Midlane har dei tenkt å bruke på prosjektet «Morgondagens sjukeheim, viss pasienten fekk bestemme». Innovasjonsstøtta skal blant anna hjelpe sjukeheimen med å kartlegge arbeidsoppgåver og definere roller og ansvar blant dei tilsette og interne samarbeidspartnarar i kommunen.
Stephanie Helland meiner det er på tide å tenke nytt.
Foto: privatProsjektet utviklast i samarbeid med tenestedesignarar og målet er å utvikle ein heilt ny organisasjonsmodell med nye løysingar som vil sette ein høgare standard for sjukeheimsdrift i Noreg. Helland seier dei satsar på oppstart allereie i januar 2015.
– Vi ynskjer å kome i gong så fort som råd, og reknar med å avslutte prosjektet i løpet av året, seier ho.
Helland meiner innovasjonsstøtta er viktig for å gi pasientane ein meir meiningsfull kvardag. Ho seier dei ikkje kunne tatt på seg prosjektet dersom dei ikkje hadde fått støtte.
– Innovasjonsstøtta betyr alt. Det gir oss moglegheit til å skape ein meir brukarstyrt sjukeheimsteneste som aukar verdien for dei som bur på heimane, seier ho.
Fjerne tidstjuvar
Ein stadig eldre og sjukare befolkning betyr at helsestellet har enorme utfordringar i tida som kjem. Hellan meiner det trengst nytenking i norske sjukeheimar.
– Mange pasientar opplever keisame og lite meiningsfulle dagar med låg grad av påverknad. Dei tilsette føler ofte frustrasjon over å ikkje klare å møte pasientane sine forventningar, samtidig som sjukeheimane stadig påleggjast budsjettkutt. Det er på høg tid å tenke nytt, seier ho.
Hellan nemner utdanning av nok helsepersonell som ei av dei størte utfordringane knytt til framtidas helsestell. Ho meiner det er avgjerande å identifisere og luke bort tidstjuvar slik at resursar kan nyttast maksimalt.
– Det er viktig å få rett kompetanse på rett stad til rett tid, seier Helland.
