Med fjorårets vinter friskt i minne, der mange knappast nok fekk brukt sesongkortet sitt i bakken på grunn av snømangel, nølar folk med å kjøpe kort.
Odd Skjegstad ved Ørskogfjell skisenter seier at folk ventar både med å kjøpe sesongkort og skiutstyr. Ørskogfjell skisenter har så smått byrja å selje sesongkort utan stor suksess.
– Folk er usikre på om det blir snø og vil vente, seier Skjegstad. NRK har gjort ei ringerunde til ulike skisenter i fylket og tonen er den same.
LES OGSÅ:
Stranda skisenter har hatt betre lukke med sal av sesongkort. Billett og bookingansvarleg Line Drege trur mange er spente på om det kjem meir snø enn i fjor.
– Vi håper på ein snørik vinter med mykje snø og alle heiser i drift kvar einaste dag, seier Drage. Dei håper å kunne opne skisenteret 13. desember, men då bør kulden snart kome.