Slik blir gullfesten

I fjor stod Rosenes by på hovudet då spelarane returnerte med kongepokalen i bagasjen. Folk trassa kaldt novemberver for å hylle spelarane som nok ein gong hadde sett Molde på fotballkartet.

Heller ikkje i år overlet Molde Fotballklubb noko til tilfeldigheitene, og følgjer opp fotballfesten på Ullevaal med å invitere heile byen feiring i kveld.

Kjem rett til hyllest

For om nokon skulle vere i tvil - når mfk-spelarane landar på Årø like før klokka 22 er det klart for ein storslagen fest. Frå flyplassen går turen til stadion, der frammøtte moldensarar i alle aldre får høve til å hylle heltane.

Songar og fyrverkeri

Etter møtet med heimepublikumet ved stadion går turen vidare til mottaking og festmiddag for laget. Ein times tid seinare går ferda vidare til Bjørnsonsalen der det er venta at moldensarar og cupheltar skal feire seg gjennom kvelden og natta. Det blir truleg mange såre struper i Molde i morgon, når talar er haldne og supportersongar er sungne. Og som seg hør og bør - det heile blir avslutta med fyrverkeri.

NRK er til stades på festen og følgjer feiringa utover kvelden.

Se bildene fra Cupfinalen her