Saka skal opp i Romsdal tingrett 16. september. Forholda kvinna er tiltalt for skal ha skjedd mellom 1995 og 1999. Dei to borna som ho var stemor for var begge under 10 år då dei seksuelle overgrepa skal ha skjedd. Ifylgje tiltalen har det skjedd gjentekne overgrep i denne perioden.
Peter Engjeberg er utnemnt som bistandsadvokat for eit av borna.
– Eg vil ikkje kommentere saka, seier Engjeberg. Han vil fremje krav om oppreising, men vil ikkje redgjere for grunngivinga før straffesaka startar.
Det er statsadvokatane i Møre og Romsdal og Sogn og Fjordane som har tatt ut tiltalen. Delar av tiltalen er tatt ut etter ordre frå riksadvokaten.
