Bankkort har teke over for kontantar for lengst, og færre og færre har kontantar i lommeboka.
På bussane kan det bli eit problem.
For Møre og Romsdal fylkeskommune vil helst at flest mogleg brukar Kollektivkort eller kontantar. Dermed finst der ingen konkrete planar om å ha bankterminalar på alle bussar.
Det er rett og slett ikkje effektivt nok, meiner rådgjevar Bjørnar Kvalsnes i samferdsleavdelinga i fylkeskommunen.
Bjørnar Kvalsnes meiner kvaliteten på bankterminalane er for dårleg.
Foto: Svein Magne Harnes– Ikkje god nok teknisk kvalitet
– Det tek lenger tid for kvar transaksjon ved bruk av bankkort samanlikna med kontantar og kollektivkort, seier Kvalsnes til NRK.
– Men bankterminalane ein har i dag har heller ikkje god nok teknisk kvalitet.
Likevel kan det by på store problem for dei kontantlause på mange bussar i fylket.
Berre ekspressbussane og flybussane har betalingsterminalar for kort.
Saka held fram under bildet.
Slike kollektivkort vil fylkeskommunen at flest mogleg skal bruke.
Foto: Ivar Lid Riise / NRK
Kontantar eller ikkje kontantar? Berre flybussen og ekspressbussane har bankterminalar der ein kan betale med bankkort.
Foto: Malin Kjellstadli Korsnes / NRKForstår frustrasjonen
På alle andre bussar må ein fram med kontantar eller kollektivkort.
– Vi har gjort eit val, og det skal vere lett for publikum å vite kvar dei kan bruke bankkort hen.
– I først omgang valde vi å innføre bankterminalar på flybuss, der det er mange tilreisande, og på ekspressbussane som er limet i fylket, fortel Kvalsnes.
Likevel forstår han alle reisande som har eit klart ønskje om å reise kontantfritt.
– Ja, det forstår eg, og eg brukar veldig lite kontantar sjølv. Vi jobbar med effektive betalingsmåtar, og i vår lanserer vi ein web-portal der folk kan fylle på kollektivkort. Det håper eg kan gjere det enklare for folk å kjøpe billettar og reise kollektivt.
