Bru eller tunnel over Storfjorden

Styreleiar i Storfjordsambandet og ordførar i Stranda Frank Sve (t.v.) og ordførar i Sykkylven Jan Kåre Aurdal

Foto: Janne-Marit Myklebust/NRK

Ein fem hundre meter djup tunnel og ulike bruløysingar vart i dag presentert av Storfjordsambandet ASA. Styreleiar Frank Sve meiner det er realistisk å tru at dette sambandet er på plass om fem til ti år.

Det er  fire alternativ for Storfjordkryssinga som er under vurdering. Alle er kostnadsrekna til omkring 2 milliardar kroner, men når det gjeld fjelltunnelen, ser det ut til at den kanskje kan byggjast til ein rimelegare pris..

 Storfjordkryssinga

1. Neddykka røyrbru/flytetunnel. Tunnelen går ned til 35 meters djup.

Djupaste punkt: 550 m. u. h. For å greie dei store stigningane, må tunnelen gjere ein stor sving inne i fjellet på Emleimsida og ein stor sirkel på Sykkylvssida. Tunnelen blir 11 300 meter lang, med to løp.

Hengebru med brukte boreplattformer som brukar. Brua blir ca. 2 600 meter lang.

Hengebru eller røyrbru med skipspassasje + flytebru. Samla lengd: ca. 2 500 meter.

Tunnel Sykkylven - Stranda

I samanheng med planane for kryssing av Storfjorden tenkjer Storfjordsambandet ASA seg også ein 8 900 meter lang tunnel mellom Hole i Sykkylven og Engeset i Stranda. Med denne tunnelen slepp ein å køyre over Strandafjellet, og dette vil lette trafikken mellom kommunane vesentleg.

Tunnelen vil koste om lag 400 millionar kroner. Bygginga treng ikkje vere avhengig av at fjordkryssinga blir realisert.