Det har vore ein keisam vår for høgrekanten, som skreiv under på ein ny kontrakt med raudtrøyene i vinter.
- Eg har heilt klart sakna fotballen, og det er kjekt å vera tilbake, seier Huseklepp til NRKHordaland.no
Eit brot i ankelen har sett Huseklepp ut av spel sidan treningskampen mot Malaga 13. mars.
- Joker og matchvinnar
Han var tilbake i cupkampen mot Loddefjord, då fekk han femten minutt som innbyttar. I seriekampen mot Vålerenga 16. mai fekk bergensaren ikkje vera med i troppen.
Når Brann møter Viking i morgon meiner derimot Mons Ivar Mjelde at lysluggen er klar til å spela på det øvste nivået att.
- Erik spelar ikkje frå start, men er med i troppen. Han er absolutt ein kapabel joker og matchvinnar, seier Mjelde til Brann-TV.
Dermed kan det verta duka for nye Eliteserie-sprell frå den leikne høgrekanten.